Kabarlire - La fête autour du livre créole

Kabarlire la Kréolité 2023 : In pon rant bann kiltir kréol

Vandredi 3 ék samdi 4 novanm 2023 dan lo santr’ po Lart ék la Kiltir Cimendef Sin-Pol, lo 5ém Kabarlire la Kréolité la péte an flér dann léspri dalonaz ék son zarlor la kiltir, malgré la pli la sharjé promié zour.

Lo Kabarlire 2023 la rogroup :
– 1400 dalon la kiltir kréol, anparmi, navé 620 marmay i aprande kréol dan lékol ;
– 8 gran zinvité : Jude Joseph po aïti, Quincy Gane po la Guadloup, Térès Léotin po la Martinik, Pierre Stephenson po la Guyane, Jenny Saminadin po Sésél, Mayuri, Jenny et Rowin Narraidoo po Moris ;
– 57 moun pou kozé, lotér, komédyin, rakontér zistwar, shantér…
– 28 konférans ék bann gayar latelié po nou konéte mié nout kréolité épila çad dot koté ossi ;
– 16 léditér La réunion po amonte lo zarlor bann liv kréol sinonsa biling.

Dan lé dé gayar Kabar, çat Zarboutan konm çat Partaj, Stéphane Thomas, Daniel Hoarau, Jocelyn Lakia, David Hoarau, Jenny, Mayuri ék Rowin Narraidoo, Quincy Gane, Pierre Stephenson, Jude Joseph, Jim Fortuné, Serz Dafreville, Patrick Atide, Zanmari Baré ék Danyel Waro la fé plézir domoun.

Lofis la lang kréol lé byin kontan nou la fé so gran zangoun-la ansanm zot toute. Nou di a zot granmersi zot té ansanm nou, po zot gayar, po zot lanvi partaj, zot lanvi konét. Nout toute ansanm, nou la mète anler ankor in kou nout kiltir kréol ék son lanvi léshanj ék partaj.
Nou artrouve ankor proshin kou.

Kabarlire la Kréolité 2023 : un pont entre les cultures créoles

Les vendredi 3 et samedi 4 novembre 2023 au Centre des Arts et de la Culture Cimendef à Saint-Paul, le 5ème Kabalire la Kréolité a brillé par sa convivialité et sa richesse culturelle, en dépit de la pluie du premier jour.

Le Kabarlire 2023 a réuni :
-1400 passionnés de culture créole, dont 620 élèves éveillés à la diversité des mondes créoles ;
– 8 invités d’honneur : Jude Joseph de Haïti, Quincy Gane de Guadeloupe, Térès Léotin de Martinique, Pierre Stephenson de Guyane, Jenny Saminadin des Seychelles, Mayuri, Jenny et Rowin Narraidoo de Maurice ;
– 57 intervenants, auteurs, comédiens, conteurs, chanteurs …
– 28 conférences et ateliers enrichissants qui ont offert un aperçu profond de la créolité d’ici et d’ailleurs ;
– 16 maisons d’édition réunionnaises présentant toute la richesse de notre littérature créole et bilingue ;

Lors des deux soirées exceptionnelles, Kabar Zarboutan et Kabar Partaj, Stéphane Thomas, Daniel Hoarau, Jocelyn Lakia, David Hoarau, Jenny, Mayuri et Rowin Narraidoo, Quincy Gane, Pierre Stephenson, Jude Joseph, Jim Fortuné, Serz Dafreville, Patrick Atide, Zanmari Baré et Danyel Waro ont fait vibrer les spectateurs.

L’office la langue créole de La Réunion est particulièrement fier d’avoir partagé ce grand moment avec vous tous et vous remercie pour votre présence enthousiaste et votre curiosité. Ensemble, nous avons encore fois fait rayonner la culture créole et ses valeurs d’échange et de partage.

A la prochaine édition !