Kosa i lé ?

previous arrow
next arrow
Shadow
Slider

Dabor-inn la fête, la fête otour lo liv, lo liv kréol ! La fète bann liv an kréol, bonpé kalité lang kréol néna dessi la Tèr.

Pa rienk sa :  bann liv dann d’ot lang ossi, provik na  in lodèr  kréol, in gou kréol, in gouté kréol : liv an fransé, an anglé…  bann liv an portigué, an espagnol, kan va gaingne lokazion.

In salon liv ? Oui ! Liv po regardé, po tourne la paje, po ashté si i gaingne… pou lire sirtou !

Koz ek bann zékrivin (fanme, bononme ; sak i vive La Rényon, sak i sorte déor), diskite ek zot,  fé signe out liv… diskite dessi bann liv.

Pa rienk in gran libréri po 3 jour solman : kabar fonnkèr-shanté, téate, la mizik, konféranse, zistoir Tijan-Grandiabe, devinay, sinéma, léspozisyon… Po bann gran-moune, po bann jène, po marmay.

Kabarlire i fé inn plasse spéssial po marmay lékol :  zatlié, shanté lontan èk shanté jordi, konkour déssin… En 2014, 2016, par santène zot la-vni, par santène zot va vnir ankor n’i espère. Défoi i sorte Sinte-Rose, Sin-Filipe…

Po Kabarlire, toute lé gratuite : toute bann spéktak, lo bann paviyon, lo bann kabar, lo konféranse. Bann zotèr, bann zartiste, i  fé pa pèye azot ; toute bann zorganizatèr i travay bénévol. Toute i dévoué po fé ème lire, po nout  kultir, po nout jenèsse  !

Mé-soman si la DAC-oI, la Réjion èk lo Départman La Rényon, la méri Le Port, la méri Sin Dni, bann komine biling  té i ède pa anou, nou noré pa fé rien non-pli !

Boudikonte, Kabarlire i souète fé in  gran ron la kultir, ek, toultan le liv dann milié, le liv nout kréolité, nout bann kréolité. Li vé in dosse-kadosse manjé pou nout  kèr, nout moral,  nout lidantité.