Kabarliv 2016

Kabarliv 2016

Bann marmay lékol : « Nou lé la ! »

Lané 2016, lékipe lo Kabarliv/Kabarlire i arnouvèl in Salon-lo-livre-kréol. In vré paryaje dessi lavnir !

In paryaje po vréman !

Fé vnir, pou lo livre kréol, demoune par milié, prèsk toute bann zéditèr La Rényon, in takon zékrivène-zékrivin, rakontèr zistoir, slamèr rényoné – ajoute ansanm bann dalon déor : La Guyane (po lo plus loin), Lil Moris (po lo plus pré), Rodrig, Séshèl, Guadloupe, Martinik, Ayiti.

Aprésa, done la possibilité diskite èk in bon-pé zékrivène-zékrivin ; fé kado demoune in bann kabar gratuite : shanté, zistoir, fonnkèr, slam, pièsse téate…

Ek in pti bidjé, si ou i argarde bien…
Té konmsi ou i éssèye  travérse la mer dann in kok-pistashe.
Pourtan, sa, nou la-fé, lané 2014. Sa, nou la-arnouvèl en 2016. Par in dévouman, in travay bénévol konm i oi pa bon-pé dann domène la kultir : okène poèt, okène romansié, okène shantèr, okène mizisien, okène komédien la-pa fé pèye ali. Parèy po bann zorganiztèr.

Lé vré néna bezoin soutien po organize in maniféstasyon konm sa-la :   la ville le Port, la médiathèque Benoîte Boulard, lo « Théâtre sous les Arbres »  la-ède Lofis. San in finansman la DAC oI, la Région, lo Département, plizir komine biling, noré pa fé rien non-pli.

Parèy ke sèt 2014,  Kabarliv 2016  la-anbale bann marmay skolèr. Par santène, marmay-lékol, marmay-kolèje, marmay-lycé la fé lo troi konkour déssin, ti-komik, slam. Troi konkour té baze dessi Zistoir Tikok, lo liv Christian Fontaine. Lo rézilta té tèlman gayar ke Lofis, po mète anlèr travay bann marmay-la, la-désside pibliye in séléksyon dann 2 liv : Tikok dann kèr lékol èk Tikok dann kér kolèj.

Pou son dézièm Kabarliv la kréolité, an 2016, Lofis la-désside fé lomaje 2 gran zarboutan la mizik èk lékritir  kréol : Maxime Laope ek Christian Fontaine. Christian Fontaine ke li vien reédite lo  Zistoir Tikok.

Bann partissipan an 2016 :

• Sully Andoche (La Réunion)
• Zanmari Baré (La Réunion)
• Marie Flora Ben David (Seychelles)
• Eric Boulogne (La Réunion)
• Joëlle Brethes (La Réunion)
• Christophe Chabirand (La Réunion)
• Luc Clair (Rodrigues)
• Brigitte Croisier (La Réunion)
• Gerty Dambury (Guadeloupe)
• Marine Dijoux (La Réunion)
• Michel Ducasse (Ile Maurice)
• Alain Ferrere (La Réunion)
• Robert Gauvin (La Réunion)
Gouslay (La Réunion)
• Daniel Honoré (La Réunion)
• Céline Huet (La Réunion)
• Jean-François Hibon de Frohen (La Réunion)
• Arnold Jaccoud (La Réunion)
• Jean Jonassaint (Haïti)
• Mikael Kourto (La Réunion)
Gaël (Kréolokoz) (La Réunion)
• Daniel Lauret (La Réunion)
• Julie Legrand (La Réunion)
• Jocelin Lakia (La Réunion)
• Bann Laope (La Réunion)
• Expédite Laope-Cerneaux (La Réunion)
• Ketty Lisador (La Réunion)
• Carpanin Marimoutou (La Réunion)
• Brigitte Masson (Ile Maurice)
• Monique Merabet (La Réunion)
• Martine Panglosse (La Réunion)
Oze (La Réunion)
• Huguette Payet (La Réunion)
Stelio (Rodrigues)
Tiloun (La Réunion)
• Fred Theys (La Réunion)
• Patrice Treuthardt (La Réunion)
• Fabrice Urbatro (La Réunion)
• Sylviane Vayaboury (Guyane)
• Dev Virahsawmy (Ile Maurice)